मुगाचे फायदे

 

मुगाचे फायदे :- 

• सर्व कडधान्यांमध्ये मुग त्याच्या विशिष्ट गुणांमुळे सर्वश्रेष्ठ समजले जातात. आजारी माणसासाठी मुग अत्यंत उपयुक्त आहे. 
• हिरव्या रंगाचे मुग अत्यंत स्वादिष्ट अधिक गुणकारी व श्रेष्ठ असतात. 
• मुगाची खिचडी, आमटी वैगेरे पदार्थ बनवले जातात. 
• मुगाच्या पीठाचे लाडूही पौष्टिक व स्वादिष्ट असतात. 
• मुगापेक्षा मुगाचे पाणी अधिक आरोग्यदायी असते. मुगाचे पाणी वात, पित्त व कफ दूर करणारे असते. त्यामुळे आजारी माणसांंना ते अत्यंत हितकार असते.
• एक ते दोन मुठी सालीचे अख्खे मुग मातीच्या गाडग्यात घालून, त्यात एक लिटर पाणी घालून मंद आचेवर शिजवावेत. नंतर ते रवीने चांगले घुसळून घ्यावे व असे पाणी आजारी माणसाला प्यायला द्यावे. चवीसाठी पाण्यात जिरे घालून तुपाची थोडी फोडणी, मीठ अगर 
• सैंधव घालून ते पाणी प्यावे. आजारी माणसांना मुगाचे पाणी अत्यंत आरोग्यदायक असते. 
• मुगाची आमटी व भात किंवा मुगाची खिचडी देखी आजारी माणसांसाठी अत्यंत हितकर असते. 
• मुग रुक्ष, हलके, थंड व मधुर असतात. कफ व पित्तनाशक, किंचित वायुकारक, डोळ्यांसाठी हितकारक, जुलाबात गुणकारी, तसेच तापनाशक आहेत. 
• जंगली मुगामध्ये अशाच प्रकारचे गुणधर्म आढळतात.