पाऊस आणि दमट उष्णतेमुळे अॅॅलर्जी : संसर्गाकडे दुर्लक्ष करणे धोकादायक, छोट्या- छोट्या मुरुमांमुळे देखील सडतात हाडे

           नुकताच मे महिना सुरु झाला आहे. पण यातही ढगांचा गडगडाट आणि आभाळातून बरसणारे पाणी यामुळे पावसाळा आल्याचा भास होतोय. 

       पाऊस थांबताच कडक उन्हाचा तडाखा जाणवतो. अशा काळात आपण ओले झालो तरी त्याचा त्रास होतो आणि जर आपण कडक उन्हात राहिलो तर आर्द्रता आणि घाम येणे यामुळे अनेक समस्या उद्भवतात. आज कामाची गोष्ट्मध्ये या अवकाळी पावसामुळे तर कधी कडक उन्हामुळे होणाऱ्या त्वचेशी संबंधित समस्यांबद्दल बोलूयात. 

        अवकाळी पावसात खाज येते. पावसामुळे वातावरणातील आर्द्रता वाढते आणि उष्णतेमुळे घाम येतो. त्यामुळे त्वचेवर बॅक्टेरिया वाढतात. यामुळे त्वचेशी संबंधित अनेक समस्या उद्भवू लागतात. 

आता या समस्या सविस्तरपणे समजून घेऊया, हे का होत आहे, ते टाळण्याचे उपाय काय आहेत. 

खाज सुटणे :- 

असे हा होते : पावसातील आर्द्रतेमुळे बुरशी आणि बॅॅक्टेरिया वाढू लागतात. त्यामुळे त्वचेवर दाद, ऍथलीट फुट आणि नखांचा संसर्ग होण्याचा धोका असतो. 

उपाय काय : त्वचा धुवून स्वच्छ करा आणि कोरडी ठेवा. कोरडी झाल्यानंतर त्वचेला माॅॅइश्चरायझ करा. जर जास्त त्रास होत असेल तर डॉक्टरांना भेट. 

त्वचेवर पुरळ उठणे 

असे का होते : भिजल्याने किंवा ओले कपडे घातल्याने त्वचेवर पुरळ उठू लागतात. ज्या लोकांना सिरोसिसचा आजार आहे. त्यांना जास्त पुरळ येतात. कधीकधी हे त्वचेचे संक्रमण टाळू आणि नखांपर्यंत देखील पोहोचते. 

उपाय काय : हे टाळण्यासाठी कोरडे कपडे घाला आणि शरीर कोरडे ठेवा. पुरळ उठलेल्या भागावर पावडर लावा आणि नखे कापून ठेवा. केस स्वच्छ ठेवा. 

घामोळ्या 

असे का होते : पावसात आर्द्रता वाढल्याने घाम येतो आणि घामोळ्या होतात. अशावेळी स्वच्छतेची काळजी घ्या. 

उपाय काय : घामोळ्या असलेल्या भागावर बुरशीविरोधी उत्पादने वापरा. कोरफडीचे जेल घामोळ्या असलेल्या ठिकाणी लावता येईल. 

एग्जिमा :

असे का होते : पावसात ही समस्या वाढते. खाज आणि जळजळ इतकी होते की शांततेत श्वासही घेता येत नाही. वास्तविक, एग्निजमाची समस्या कोणत्याही वयात होऊ शकते. 

उपाय काय : प्रतिकारकशक्ती मजबूत ठेवा. जेणे करून पुन्हा पुन्हा संसर्ग होणार नाही. धुम्रपान करू नका आणि निरोगी आहार घ्या. तुम्हाला कशाची अॅॅलर्जी आहे ते लक्षात घ्या आणि त्याच्यापासून दूर रहा. 

बुरशीजन्य संसर्ग टाळण्यासाठी काय करावे ? 

केवळ त्रास वाढल्यावरच डॉक्टरांकडे जाऊ नका. लक्षात ठेवा ते तुमच्याकडून तुमच्या कुटुंबातील सदस्यांपर्यंत पसरू शकते. 

• त्वचेवर पुरळ उठत असल्यास त्यावर उपचार करा. 
• मनाने औषधी किंवा प्रतिजैविक घेणे टाळा 
• नखांनी घासून स्क्रॅॅच करू नका. 
• तुमचा स्वतंत्र टॉवेल वापरा. 
• वैयक्तिक स्वच्छतेची काळजी घ्या. 
• घट्ट आणि ओले कपडे घालू नका.