उचकी लागण्याची कारणे व उचकी बंद होण्यासाठी हे करा घरगुती उपाय

 

उचकी लागण्याची कारणे :-
 

        उचकी सुरु होण्यास अनेक कारणेही जबाबदार असतात. यामध्ये भरपेट जेवणे, तिखट-मसालेदार जेवण, पोटफुगी झाल्यामुळे, दारूचे व्यसन, मानसिक तणाव अशा अनेक कारणामुळे उचकी लागू शकते. 

उचकी थांबण्यासाठी हे करा घरगुती उपाय :- 

• थंड पाणी - उचकी येत असल्यास ग्लासभर थंड पाणी प्यावे. यामुळे उचकी थांबण्यास मदत होईल. याशिवाय नाक बंद करत पाणी पिण्यामुळेही उचकी थांबू शकते. 
• काही सेकंद श्वास रोखणे - उचकी येत असल्यास काही सेकंद श्वास घेणे रोखल्यास उचकी थांबण्यास मदत होईल. यासाठी एक मोठा श्वास घ्या आणि काही सेकंद रोखून ठेवा. 
• मध आणि लिंबू - उचकी येत असल्यास एक चमचा मध खाल्यासही उचकी थांबण्यास मदत होईल. एक चमचा लिंबू रसात, एक चमचा मध घालून मिश्रणाचे चाटण केल्यासही उचकी थांबते.
   
• साखर आणि मीठ - उचकी आल्यावर एक चमचा साखर खाल्यामुळे थोड्यावेळात उचकी थांबून जाईल. याशिवाय साखरेच्या पाण्यात थोडं मीठ घालून ते पाणी थोडे थोडे पिण्यामुळेही उचकी थांबण्यास मदत होते. 
• काळे मिरे - तीन ते चार काळे मिरे आणि खडीसाखर तोंडात धरून चावत रहावी. त्यावर एक ते दोन घोट पाणी पिण्यामुळे उचक्या थांबतात. हा आयुर्वेदिक उपाय उच्कीवर उपयुक्त आहे. 
• उलटे अंक मोजा - १०० ते १ असे उलटे अंक मोजल्याने उचकी थांबण्यास मदत होते. तसेच उचकी लागलेल्या व्यक्तीला अचानक घाबरविल्यासही उचकी थांबते.