जुन्यातील जुनी सांधेदुखी, गुडघेदुखी व हाडांच्या वेदना यावर आयुर्वेदिक उपाय

 

         सांधेदुखी ही आजकालची सर्वात मोठी समस्या आहे. आजकाल केवळ वृध्दच नाही तर तरुणही त्याला बळी पडत आहेत. बैठी नोकरी, शारीरिकदृष्ट्या सक्रीय नसणे आणि खाण्यापिण्याच्या चुकीच्या सवयी ही यामागची सर्वात मोठी कारणे आहेत. अर्थात ही एक वेदनादायक समस्या आहे ज्यावर त्वरित उपचार करणे आवश्यक आहे. डॉक्टर मानतात की अशा अनेक परिस्थिती आहेत ज्यामुळे सांध्याच्या सामान्य कार्यावर परिणाम होतो ज्यामुळे विविध रोग होतात. अपघातामुळे झालेल्या दुखापती ही त्यापैकी एक सामान्य समस्या आहे. सांध्यांच्या आरोग्याची काळजी घेतली नाही तर वाढत्या वयाबरोबर सांध्यांची स्थिती बिघडू शकते. सांधे खराब झाल्यामुळे तुम्हाला सांधेदुखी, अचानक हालचाल करण्यात अडचण येणे, जडपणा, सूज इत्यादी समस्या होऊ शकतात. 

           ही स्थिती सांधेदुखीसारख्या आजाराचेही रूप घेते. आयुर्वेदानुसार सांधे कमकुवत होणे हे अमा म्हणजेच शरीरात विष जमा झाल्यामुळे होते. विषारी पदार्थांचा दीर्घकाळ संचय झाल्यामुळे सांधे सुजतात आणि कालांतराने त्यांच्यातील शक्तीही निघून जाते. गुडघ्याच्या सांध्याबाबतही असेच आहे. आपल्याला सांधेदुखीपासून मुक्त होण्यासाठी काही प्रभावी आयुर्वेदिक घरगुती उपाय

 

• मीठ आणि तेल कमी खा 

तुम्ही आंबट, खारट, डीप फ्राय केलेले आणि आंबवलेले पदार्थ जास्त प्रमाणात खात असाल तर कटाक्षाने टाळावेत. या गोष्टींचा केवळ सांध्यांंवरच परिणाम होत नाही तर इतर अवयवांनाही यामुळे हानी पोहोचते. 

• आहारविहार टाळा

वात वाढणारा आहार आणि विहार टाळावा. आहार म्हणजे कोरडे व शिळे अन्न आणि विहार म्हणजे अशा सवयी जसे की अतिव्यायाम, रात्री उशिरापर्यंत जागणे, धकाधकीची जीवनशैली इत्यादी गोष्टी टाळाव्यात.

• हेल्दी फॅॅट घ्या

जेवणात फक्त तूप, तिळाचे तेल, ऑलिव्ह ऑईल इत्यादींचा वापर करा. या पदार्थांमध्ये हेल्दी फॅॅट असतात जे सांध्यांंसह एकूण आरोग्यासाठी आवश्यक असतात. 

• मालिश 

सर्व प्रकारच्या सांधेदुखीवर हा एकच उत्तम उपाय आहे. तिळाचे तेल, मोहरीचे तेल, एरंंडेल  तेल ही स्वयंपाकघरात सहज उपलब्ध असलेले काही तेलाचे प्रकार आहेत जे वेदना कमी करण्यासाठी सांध्यांंवर लावता येतात. काही आयुर्वेदिक तेल जे वेदना कमी करण्यास मदत करतात ते म्हणजे महानारायण तेल, कोट्टमचुक्कडी तेल, सहचारदी तेल, धनवंतराम तेल इत्यादी.

 

• औषधी वनस्पतीही आहेत उपयोगी 

सांधेदुखीवर चांगलं काम करणाऱ्या काही आयुर्वेदिक औषधी वनस्पती म्हणजे शलाकी, अश्वगंधा, निर्गुंड, रसना, हरिद्रा (हळद), शुंथी (आले) इत्यादी.