डोळ्यांची स्वच्छता आणि रक्षण यावरील उपाय

 

डोळे हे आपल्या शरीराचे अत्यंत मूल्यवान अवयव आहेत. त्यांच्यावाचून जीवन शून्य व व्यर्थ आहे म्हणून डोळ्यांची स्वच्छता व रक्षणावर विशेष लक्ष दिले पाहिजे. 

1. रात्री झोपले असता डोळ्यामधील मळ चीपडाच्या स्वरुपात बाहेर येवून पापण्याच्या टोकावर केसात एकत्रित होतो. तो साफ करण्यासाठी नित्य सकाळी डोळे स्वच्छ व थंड पाण्याने धुणे ही सर्वात उत्तम पद्धती आहे. 
2. दात घासताना, जेवण्यापूर्वी किंवा नंतर जेव्हा आपण तोंड धुतो त्यावेळी त्याबरोबर डोळेही धुवावेत.
    
3. डोळ्यावर थंड पाणी मारणे व स्नानानंतर स्वच्छ स्वच्छ व थंड ओला कपडा डोळ्यावरून काही वेळ फिरविणे हितकारक असते. 
4. डोळ्यांच्या रक्षणासाठी भोजनात भरपूर पौष्टिक पदार्थ, विशेषतः तूप खावे. पौष्टिक पदार्थाच्या अभावामुळे डोळ्याची दृष्टी कमी होते.