प्रत्येक महिलेने आपल्या आहारात 'या' सहा पौष्टिक घटकांचा समावेश करावा...

 आंतरराष्ट्रीय महिला दिनानिमित्त महिलांनी योग्य पोषणासह त्यांच्या आरोग्याची काळजी घेतली पाहिजे आणि सक्रिय जीवनशैली राखली पाहिजे. 

International Women's Day :- घरातील काम करण्यापासून नोकरी आणि करिअर घडवण्याच काम महिला करतात, म्हणूनच त्यांना मल्टीटास्कर्क अस म्हटलं जात. महिलावर त्यांची मुले व कुटुंबाची काळजी घेण्याची जबाबदारी असते, तसेच त्या त्यांची वैयक्तिक व व्यावसायिक ध्येय साध्य करण्यामध्ये संतुलन देखील राखतात. या अशा व्यस्त जीवनशैलीमुळे आणेल महिलांचे त्याच्या आरोग्याकडे दुर्लक्ष होते. 

आंतरराष्ट्रीय महिला दिन जवळ आला असताना महिलांनी योग्य पोषणासह त्यांच्या आरोग्याची काळजी का घेतली पाहिजे आणि सक्रिय जीवनशैली का राखली पाहिजे हे जाणून घेणे महत्त्वाचे आहे. यामुळे त्यांना जीवनात पुढे जात राहण्यास मदत होईल. प्रत्येक महिलेच्या आहारामध्ये आवश्यक असलेल्या सहा पौष्टिक घटकांबाबत सांगत आहेत.
 

१) कॅॅल्शियम :- कॅॅल्शियम जीवनाच्या प्रत्येक टप्प्यावर हाडे मजबूत करण्यास मदत करते. शरीरात हाडे सतत रीमाॅॅडेलिंग होत असतात हे अनेकांना माहित नाही. या बदलण्याच्या प्रक्रियेमध्ये हाडांमधून कॅॅल्शियमचे प्रमाण कमी होते, ज्याच्या जागी नवीन लॅॅल्शियमची भर होते. त्यामुळे या प्रक्रियेदरम्यान हाडांची घनता टिकवून ठेवण्यासाठी पुरेसे कॅॅल्शियम मिळणे आवश्यक आहे. मसूर, सोयाबीन आणि फॅॅटी फिश यांसारख्या उत्पादनांसह संत्रे, पेरू आणि पपई यांसारख्या फळांमध्ये शरीरात कॅॅल्शियमची पातळी वाढण्यास मदत होते. 

२) लोह :- लोह हे एंजाइम आणि हिमोग्लोबिनसह अनेक प्रथिनांसाठी घटक म्हणून गरज असलेला आवश्यक सूक्ष्म पोषक घटक आहे. चयापचय प्रक्रियेसाठी संपूर्ण शरीरातील उतींमध्ये ऑक्सिजनच्या वहनासाठी महत्त्वाचे आहे. लोहाची कमतरता ही भारतीय महिलांमध्ये आढळणारी सर्वात सामान्य मिनरल कमतरता आहे. नट्स, सुकामेवा, शेंगा (मिश्रित सोयाबीन, भाजलेले बीन्स, मसूर, चणे), पालेभाज्या (पालक, ब्रोकोली), मासे, लाल मास इ. हे लोहाचे चांगले स्त्रोत असू शकतात. 

३) व्हिटॅॅमिन डी (जीवनसत्व ड) :- एक महत्त्वपूर्ण मिनरल असलेले व्हिटॅॅमिन डी कॅॅल्शियम आणि फॉंस्फेटचे शोषण सुधारते, ते मजबूत, निरोगी हाडे राखण्यासाठी आणि रोगप्रतिकारशक्तीचे चांगले नियमन करण्यासाठी महत्त्वाचे आहे. सूर्यप्रकाशाद्वारे व्हितटॅॅमिन डी मिळवतात, पण इतर स्त्रोतांमध्ये मशरूम, सोया दूध, अंडी, कोळंबी आणि फॅॅटी मासे यांसारख्या पदार्थांचा समावेश होतो. 

४) फायबर :- रक्तातील कोलेस्टेरॉलआणि साखरेची पातळी कमी करण्यासाठी विरघळणारे फायबर हा सर्वात प्रभावी पौष्टिक घटक आहे. फायबरयुक्त पदार्थांमध्ये ओटब्रान, बार्ली, नट बिया, बीन्स, मसूर , मटर, फळे आणि भाज्या यांचा समावेश होतो. तसेच, भरपूर पाणी पिल्याने तुम्हाला तुमच्या जेवणातील फायबरचा पुरेपूर वापर करण्यास मदत होते.  

 

५) व्हिटॅॅमिन बी १२ :- व्हिटॅॅमिन बी १२ लाल रक्त पेशी, मज्जासंस्था आणि मेंदूचे कार्य व विकास करण्यास मदत करते. थकवा व अशक्तपणा व्हिटॅॅमिन बी १२ च्या कमतरतेमुळे उद्भवू शकतात आणि तुमचे वय वाढत जाईल तसतसे शरीर बी १२ वापरण्याची शक्यता कमी होऊ शकते. आजाराला प्रतिबंध करणारे धोरण आखण्यासाठी रक्ताचे नमुने तपासले पाहिजेत. मास, अंडी आणि दुग्धजन्य पदार्थ यांसारखे पदार्थ मुख्य व्हिटॅॅमिन बी१२ देऊ शकतात. 

६) प्रथिने :- नायट्रोजनचे योग्य संतुलन राखण्यासाठी माफक प्रमाणात उच्च प्रथिने मिळणे आवश्यक आहे. कमी उर्जेचे सेवन, बिघडलेले इन्सुलिन कार्य आणि प्रथिने संश्र्लेषणातील घट या सर्व गोष्टी वृद्धत्व काळात घडतात, याबाबत काळजी घेणे देखील आवश्यक आहे. प्रथिन-संपन्न आहार संतुलित आहार असतो. ज्यामुळे उर्जा आणि शक्ती वाढते. अंडी, मांस. मासे, कडधान्ये आणि शेंगा यांसारखे पदार्थ शरीराला आवश्यक प्रमाणात प्रथिने पुरवतात.